Kombinerer eigedomsmekling og familieliv på Søfteland

Jeanette er oppvaksen på Askøy, og det var kjærleiken som førte ho til Søfteland og Bjørnafjorden.

– Vi budde i Bergen, men då det vart tid for å etablere seg, var det lett å velje Os, seier Jeanette. Sambuaren min, Fredrik, er frå Os, og har familie her. Os har så mykje å tilby med eit koseleg sentrum med mellom anna butikkar, servering og utestadar. Vi trivst veldig godt, og det bur fine folk her. Her skal sonen vår få vekse opp.

Jeanette og Fredrik etablerte seg først i ein tomannsbustad i Storestraumen på Søfteland. Dei likte seg så godt at dei seinare valde å kjøpe einebustad i same område.

–  Storestraumen er eit stort og populært bustadområde kor det bur menneske i alle aldrar, seier Jeanette. Det er kort veg både til Os og Bergen, og det er hyppige buss-samband. Det er ypparleg med barnehage i feltet. Vi kan gå for å levere og hente sonen vår, Milian (2 ½ ), og om vinteren kan vi også ake ned bakken til barnehagen. Eg blir som eit barn igjen når eg er ute å leiker med Milian, seier ho.

Familien er viktig og yrket som eigedomsmeklar let seg fint kombinere med familielivet. Alt handlar om planlegging og organisering, seier Jeanette.

– Det er klart det går ein del kveldar og helger i jobb, seier ho. Samstundes har vi fleksible arbeidsdagar, og kan styre mykje av kvardagen sjølv. Det hjelper òg at er eg så heldig å ha ein sambuar som har 8-16 jobb, og med moglegheit til både fleksitid og heimekontor.

Jeanette fortel at ein fin arbeidsdag gjerne endar med at ho har ei visning etter middag.

– Det er ein av fordelane med å jobbe i nærområdet, seier ho. Det å kunne gå ut å jobbe igjen om kvelden, er undervurdert. Eg likar at eg kan knyte privatliv og arbeid saman.

Med si inngåande lokalkunnskap gler Jeanette seg til å hjelpe kundar som ønskjer å selje eller kjøpe bustad i området.

– Eg har ei personleg tilnærming til Søfteland. Eg veit kva ein kan finne i nærleiken, kor ein får tak i det ein treng, og kor ein kan kjøpe dei beste pannekakene, seier Jeanette.

Søfteland, med både Storestraumen og Gåsakilen, er eit høgaktuelt bustadområde med stor utbygging. Med opning av Lyseparken vert det mange nye arbeidsplassar i Os, og Bjørnafjorden er ein attraktiv kommune med stor tilflytting.

– Det kokar i marknaden, fortel Arild Vikøyr i PrivatMegleren Vikøyr & Brandt. Vi har mykje å gjere, og alle våre tilsette er lokale folk som kjenner marknaden. Han er glad for at Jeanette konsentrerer seg om Søfteland. Med sin detaljerte kunnskap er ho det naturlege førstevalet som eigedomsmeklar.

– Eg er heldig som får kombinere familieliv og draumejobben, seier Jeanette. Ho gler seg til kvar dag som eigedomsmeklar i Bjørnafjorden, på favorittstaden Søfteland.