Fusa
vidaregåande
skule

Godt klassemiljø

Alt dette er eigenskapar og fordelar med å gå på KDA, med det som trumfar alt dette er fellesskapet som er i ein kunstklasse. Det er alltid viktig med eit godt klassemiljø for at ein skal trivast. Sjølv vart eg positivt overraska då eg byrja på KDA. Eg kjende ikkje so mange, og alt var nytt, men klassen vart raskt ein samansveisa gjeng. Det var mykje takka vera programfaga. Når me alle jobbar med kvart vårt prosjekt går praten, og me spør ofte kvarandre «kva tenkjer du?» eller «korleis ville du gjort dette?». Det oppstår eit kreativt fellesskap, og me kan alle samlast rundt felles interesser.

Kjøkkensjef
i ein alder av 23 år

I sommar jobba Nils Andris Hamre som kjøkkensjef på Siderhuset Ola K. Siderhuset Ola K er ein restaurant på Nå i Sørfjorden i Hardanger. Her jobba han i vakre omgjevnadar ved fjord og fjell, med lokale råvarer rundt kvar sving. Restauranten blei smykka med Nyskaperpris 2021 frå Sparebankstiftinga Hardanger.

Val av utdanning

Nils Andris fortel at då han gjekk i 10 klasse ønska han å jobbe med menneske. Det stod mellom Helse og oppvekst eller Restaurant og matfag. For å orientere seg om utdanninga var han på Open dag på Fusa vgs. Det var i møte med faglærarane som fekk Nils Andris til å ta det endelege valet. Han tenkte at det høyrtest kult ut.

Maten og måltidet
skal vera ei oppleving

Då eg starta på vg1 var eg fast bestemt på at eg ville bli verdas beste kokk. Eg var nok påverka av media og TV programma som handla om konkurranse og om det å vinna. Det var spennande å sjå kva eg kunne oppnå både med smak og presentasjon. Etter kvart som eg har fått erfaring og ser ein større heilskap i kokkeyrket, føler eg meir at det er sjølve måltidet som er viktig, det å spre matglede. Om du jobbar på ein stjernerestaurant, hotellkjøkken, institusjonskjøkken eller andre stadar der ein lagar mat, kan ein alltid gjera maten og måltidet til ei god oppleving for den som tar imot. Det er like viktig i kvardagen som til fest. Eg har veldig gode minner frå farmor, som var så flink å samle familien rundt matbordet. Det er nok ho eg har henta inspirasjonen i frå.

Eg har erfart at kokkefaget handlar om så mykje meir enn det eg først tenkte meg. I bransjen treng me alle typar folk med ulike eigenskapar. Me treng dei kreative, dei effektive, dei nøyaktige, dei spontane, rett og slett alle typar folk som kan skapa eit godt team.

Lønn og arbeidstid

Det er knytta mange myter til kokkeyrket; Lav lønn, lange arbeidsdagar og ubekvem arbeidstid. Men det er ikkje verre her enn i andre bransjar. Det er viktig å huska på at det er mange moglegheiter som kokk og stor variasjon både med lønn og arbeidstid. Ein kan velgje den arbeidssituasjonen ein ønskjer.

Tidleg ansvar –
og spennande utfordring!

Som nyutdanna kokk fekk eg tillit tidleg. Eg fekk jobba med nye lærlingar, eit ansvar som fekk meg til å veksa og utvikla meg.

Tida på Siderhuset Ola K i Hardanger var meir enn berre å vera kjøkkensjef. Me starta med eit gamalt hus utan kjøkken, innreiing og utstyr. Derfor var starten ei kombinasjon av planlegging, snikkararbeid, røyrleggar og arbeidsleiar. Då var det ei stor oppleving når me endeleg kunne ta imot dei første gjestene og kjenna på meistringsfølelse og gleda ved å byggja noko saman med andre. Eit slikt løft gjev både nyttig erfaring og er ei oppleving som overgår rolla som kjøkkensjef. Derfor er ungdomsbedrifta som elevane på RM på Fusa vgs har no, eit flott prosjekt som kan gje elevane nyttig arbeidserfaring.